საერთაშორისო ორგანიზაციების შემდეგ მოსკოვსა და ოკუპირებულ ცხინვალს შორის გაფორმებულ ე.წ. მოკავშირეობისა და ინტეგრაციის შეთანხმებას სხვადასხვა ქვეყნის მთავრობებიც გმობენ.
საგანგებო განცხადებები გერმანიაში, უკრაინასა და კანადაში გაკეთდა. გერმანიის ხელისუფლების ოფიციალური წარმომადგენლის კრისტიან ვირტცის განცხადებით, ხელშეკრულების გაფორმება ხელს უშლის მოსკოვსა და თბილისს შორის ურთიერთობის ნორმალიზებას და რეგიონის ანექსიის საფრთხის უფრო მეტ საფუძველს აძლევს.
ოფიციალური ბერლინი მომავალშიც დაუჭერს მხარს საქართველოს ტერიტორიული მთლიანობის დაცვაში.
