ნაძალადევის გამგეობამ 100 ჩასასვენებლის შეძენის თაობაზე ტენდერი გამოაცხადა. სატენდერო პირობების მიხედვით, სტანდარტული ზომის და წიფლის ჩასასვენებელი გამოკრული სარჩულით უნდა იყოს. კუბოებთან ერთად დაგეგმილია იგივე რაოდენობის სუდარის შესყიდვა.
როგორც სატენდერო დოკუმენტაციაშია მითითებული, კუბოების შეძენა ნაძალადევის რაიონის ტერიტორიაზე მცხოვრები უმწეო და გაჭირვებული გარდაცვლილი მოქალაქეებისთვის ხდება.
კუბოებს გამგეობა ტენდერში გამარჯვებული კომპანიიდან, მოთხოვნისთანავე, ეტაპობრივად – 2015 წლის 31 დეკემბრამდე მიიღებს.
