საქართველოს ეკონომიკისა და ფინანსთა მინისტრების განცხადებით, 2015 წლის ბიუჯეტის კორექტირება აუცილებლად მოხდება და ამ მოთხოვნით პარლამენტში მთავრობის მოთხოვნა უახლოეს დღეებში შევა.
„ბიუჯეტის შეცვლა აუცილებელი იქნება, იქიდან გამომდინარე, რომ, სავარაუდოდ, წელს ჩვენი ეკონომიკის რეალური ზრდა 2%-ის ფარგლებში იქნება. თუმცა პირდაპირი უცხოური ინვესტიციებისა და ტურიზმის კუთხით დაგეგმილი გვაქვს ძალიან სერიოზული აქტივობა მთავრობის მხრიდან და ამ მიმართულებით ვფიქრობთ, რომ მთლიანად დავაბალანსებთ სიტუაციას,” – განაცხადა ეკონომიკის მინისტრმა გიორგი კვირიკაშვილმა.