“დღეს ცდილობენ ხელახლა გაიხსნას ასე ვთქვათ, უვიზო რეჟიმი, და ეს გააფორმონ გამარჯვებად,” – ირანთან უვიზო რეჟიმის აღდგენას ნაციონალური მოძრაობის წევრი ზურაბ მელიქიშვილი ეხმაურება.
საპარლამენტო უმცირესობაში განმარტავენ, რომ ორი წლის წინ ხელისუფლების გადაწყვეტილებამ ქვეყნის ეკონომიკა დააზარალა.
“თუმცა, ეს არის ხელისუფლების სტილი, შექმნას პრობლემა, დააკარგვინოს ქვეყანას განვითარების მინიმუმ სამი წელი და შემდეგ იზეიმოს ამ პრობლემის თავისივე ხელით გაუქმება,“ – განაცხადა ზურაბ მელიქიშვილმა.