ზუგდიდის მუნიციპალიტეტის სოფელ ურთის მთაზე პოლიცია მეორე დღეა დაკარგულ სამ პირს ეძებს. მათი კუთვნილი ფორდის მარკის მიკროავტობუსი ამავე სოფელშია ნაპოვნი.როგორც ადგილობრივებმა “თაიმერს” განუცხადეს სავარაუდოდ დაკარგულებს 5 000-მდე ლარი ჰქონდათ.
“ყველამ იცოდა, რომ ეს ადამინები საქონლის ვაჭრობით იყვნენ დაკავებულნი. მესამე დღეა ეძებენ და ჯერ კვალს ვერ მიაკვლიეს”-აცხადებენ ადგილობრივები
არსებული ინფორმაციით, ერთი ხობის მკვიდრია, ხოლო დანარჩენი ორი – იმერეთის რეგიონიდან არიან. ცნობილია, რომ ისინი ზუგდიდში მსხვილფეხა რქოსანი საქონლით ვაჭრობდნენ.გამოძიება 149 მუხლით მიმდინარეობს.