ზესტაფონის ფეროშენადნობთა ქარხანაში მუშის გარდაცვალების ფაქტს ზესტაფონის ფეროშენადნობთა ქარხნის დირექტორივასილ გველესიანი გამოეხმაურა.
“უბედური შემთხვევა დილით მოხდა, რომელიც ფატალური შედეგით დასრულდა. ბრიგადა რომელიც მუშაობდა ნომერ მეოთხე საამქროს სახურავის ფენილის შეცვლაზე, ერთ – ერთი წევრი, 61 წლის დავით ძაბირაძე ჩამოვარდა 38 ნიშნულიდან და გარდაიცვალა. ადგილზე მუშაობენ ექსპერტ-კრიმინალისტები. ბრიგადა აღჭურვილი იყო უსაფრთხოების ნორმებით გათვალისწინებული აღჭურვილობით – ქამრებითა და კასკებით. დანარჩენს გამოძიება დაადგენს,”- განაცხადა ვასილ გველესიანმა.
ცნობისთვის, ზესტაფონის ფეროშენადნობთა ქარხნის სარემონტო საამქროს თანამშრომელი, დავით ძაბირაძე, მე-4 საამქროს სახურავიდან, ჭერის სარემონტო სამუშაოების შესრულების დროს დღეს ჩამოვარდა და ადგილზე გარდაიცვალა.
