ზესტაფონი-ქუთაისის გზაზე მომხდარი ავტოსაგზაო შემთხვევა მსხვერპლით დასრულდა. გარდაცვლილია ორი ადამიანი, ორი კი დაშავდა. ერთმანეთს ორი მსუბუქი ავტომობილი შეეჯახა. მომხდარზე გამოძიება სსკ-ის 276-ე მუხლის პირველი და მეშვიდე ნაწილებით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ორი ან მეტი ადამიანის სიცოცხლის მოსპობა, ასევე ჯანმრთელობის ნაკლებად მძიმე დაზიანება.
