უკრაინის ნაკრების ახალი მწვრთნელი “მილანის” ყოფილი თაბვდამსხმელი ანდრეი შევჩენკოა – უკრაინის ეროვნული ჯგუფის პრეს-სამსახურმა გაავრცელა.
განცხადების მიხედვით, შევჩენკომ ორწლიანი კონტრაქტი დადო გაგრძელების პერსპექტივით. მის კანდიდატურას ერთხმად დაუჭირა მხარი უკრაინის ფეხბურთის ფედერაციამ.
ევრო-2016-ში შევცენკო ნაკრების მთავარი მწვრთნელის ასისტენტის როლში იყო. მთავარმა მწვრთნელმა, მიხაილ ფომენკომ გუნდის წარუმატებლობის შემდეგ, გადადგომის შესახებ განცხადება დაწერა.
შევჩენკო 39 წლის არის. მან ფახბურთელის კარიერა 2012 წელს დაასრულა.