თბილისის მერის დავით ნარმანიას განცხადებით, ზღვის ტერიტორიაზე, ახალ ზოოპარკში სამუშაოები უკვე დაწყებულია და ის სავარაუდოდ, 3-4 წელიწადში დასრულდება.
ნარმანიას თქმით, გასული წლის შემოდგომაზე, დედაქალაქის მერიამ თბილისის ზღვის ტერიტორიაზე 48 ჰექტარი მიწის ნაკვეთი შემოღობა, სადაც უკვე აშენდა ძაღლსაშენი.
“ამჟამად მიმდინარეობს დათვების ვოლიერების მშენებლობა. ეტაპობრივად მოხდება ძველი ზოოპარკიდან ვოლიერების გადატანა. ძველ, გამოთავისუფლებულ ტერიტორია რეკრეაციულ ზონას დაეთმობა”, – განაცხადა დავით ნარმანიამ ჟურნალისტებთან საუბარში.
