ნატო მაისიდან ქართველი ოფიცრების ტაქტიკურ მომზადებას დაიწყებს – ამის შესახებ ნატოს გენერალურმა მდივანმა იენს სტოლტენბერგმა საქართველო-ნატოს კომისიის სხდომის გახსნისას განაცხადა.
“თბილისში საქართველო-ნატოს ახალი ერთობლივი ცენტრი ქართველი ოფიცრების მომზადებას დაიწყებს” – თქვა სტოლტენბერგმა.
მან პირობა დადო, რომ საქართველოსთან “ქვეყანაში მიმდინარე რეფორმების მხარდასაჭერად თანამშრომლობას გააღრმავებს, რომელიც საქართველოს ნატოს წევრობასთან დააახლოვებს” .
გარდა ამისა, სტოლტენბერგის განცხადებით, “საქართველო საერთაშორისოდ აღიარებული დამოუკიდებელი ქვეყანაა, რომლის ტერიტორიები რუსეთს აქვს ოკუპირებული”. მან რუსეთს მოუწოდა “გადახედოს საკუთარ გადაწყვეტილებას” აფხაზეთისა და ცხინვალის რეგიონის დამოუკიდებლობის აღიარების შესახებ.