შავი ზღვის საერთაშორისო უნივერსიტეტში მეათე საერთაშორისო კვლევითი კონფერენცია გაიმართა, რომელიც ამერიკის შეერთებული შტატების ელჩმა საქართველოში, იან კელიმ გახსნა. მოწვეულ სტუმართა შორის იყვნენ, ასევე, განათლებისა და საგარეო საქმეთა სამინისტროს წარმომადგენლები.
ღონისძიების თემატიკა მრავალფეროვანია და მოიცავს აშშ-ს კულტურას, პოლიტიკას, ლიტერატურას, ქალთა საკითხებს, განათლებას, ისტორიას, ხელოვნებასა და ეკონომიკას.
კონფერენციას 39 მომხსენებელი ჰყავდა, მათ შორის 4 ამერიკის შეერთებული შტატებიდან.
