ექსპერტიზის დასრულების შემდეგ, გვიან ღამით ნოდარ გუგეშაშვილის ცხედარი ბიძის სახლში გადაასვენეს. არსებული ინფორმაციით, მოკლულს ორი ტყვია – კეფასა და ზურგში აქვს მოხვედრილი. ოჯახის ახლობლები შურისძიების მოტივით მომხდარ დანაშაულს გამორიცხავენ. ისინი უარყოფენ გავრცელებულ ინფორმაციასაც, თითქოს დოდო გუგეშაშვილმა თავდამსხმელი დაასახელა.
„ქალბატონი დოდო რომ მოიყვანეს საავადმყოფოში ერთმა ჩვენმა მეგობარმა ფაქტიურად ერთი-ორი კითხვა დაუსვა რაზეც დოდომ ვერ უპასუხა. აღარ იყო ისეთ მდგომარეობაში რომ ელაპარაკა. ერთადერთი მოიკითხა თავისი შვილი,“-განაცხადა დოდო გუგეშაშვილის მეგობარმა ალექსანდრე სუხაშვილმა.
დაჭრილი დოდო გუგეშაშვილი კი ამ დრომდე ღუდუშაურის კლინიკის რეანიმაციულ განყოფილებაში რჩება. მის მდგომარეობას ექიმები სტაბილურად აფასებენ.
