დოდო გუგეშაშვილის სახლში სამართალდამცველებმა საგამოძიებო მოქმედებები გვიან ღამით დაასრულეს. ბინა დალუქულია. პარალელურად, თითქმის მთელი ღამე მიმდინარეობდა გუგეშაშვილების ახლობლებისა და მეზობლების გამოკითხვა. დაიკითხა მეზობელიც, რომელმაც შესაძლოა სავარაუდო მკვლელი დაინახა. ის ამბობს, რომ პირს, რომელიც მან დაინახა, ლურჯი ქურთუკი ეცვა და ხელში ლურჯი პარკი ეჭირა. მისივე თქმით, მან დაინახა დოდო გუგეშაშვილი, რომელიც შველას ითხოვდა.