გიორგი მარგველაშვილი მე-12 კლასელებს სკოლის დამთავრებას ულოცავს

ქეთი ფერაძე
: ქეთი ფერაძე მაისი 18, 2018 13:40

გიორგი მარგველაშვილი მე-12 კლასელებს სკოლის დამთავრებას ულოცავს

საქართველოს მასშტაბით 39 000-მდე მეთორმეტეკლასელმა დღეს სკოლა დაამთავრა. სკოლებში დღეს ბოლო ზარი აღნიშნეს. სკოლის დამთავრებას ახალგაზრდებს საქართველოს პრეზიდენტიც ულოცავს:
“მინდა, ყველა მე-12 კლასელს მოგილოცოთ სკოლის დამთავრება!
ცხოვრების ახალი, სრულიად განსხვავებული ეტაპის დაწყება, რომელმაც უნდა მოგცეთ საშუალება მაქსიმალურად გამოავლინოთ საკუთარი შესაძლებლობები – უმაღლეს სასწავლებლებში სწავლის გაგრძელებითა თუ სასურველი და საოცნებო პროფესიის დაუფლებით.
მჯერა, რომ თითოეული თქვენგანი გაცნობიერებული და გააზრებული მომავლის შენებით გააძლიერებთ საკუთარი ქვეყნის განვითარებას!
თქვენთან ერთად ვიზიარებ ამ აღტაცებასა და სიხარულს, რომელიც ახლის ძიებასა და შეცნობის მოლოდინს ამძაფრებს!” ნათქვამია პრეზიდენტის განცხადებაში.
საატესტატო გამოცდები საქართველოს მასშტაბით 20 მაისს იწყება. მე-11 კლასელები სწავლას 11 ივნისს ამთავრებენ, მათი საატესტატო გამოცდები 12 ივნისს დაიწყება. პირველკასელებისთვის სასწავლო წელი 25 მაისს დასრულდება, დანარჩენი კლასების მოსწავლეებისთვის კი – 15 ივნისს.

ქეთი ფერაძე
: ქეთი ფერაძე მაისი 18, 2018 13:40

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,947
ვიზიტორი
დღეში
Powered By Google Analytics