ერგნეთში ტატუნაშვილისა და ბაშარულის საქმესთან დაკავშირებით შეხვედრა იწყება

ქეთი ფერაძე
: ქეთი ფერაძე მაისი 15, 2018 11:42

ერგნეთში ტატუნაშვილისა და ბაშარულის საქმესთან დაკავშირებით შეხვედრა იწყება

ერგნეთში ინციდენტების პრევენციის მორიგი შეხვედრა იწყება. როგორც ქართული დელეგაციის ხელმძღვანელმა ირაკლი ანთაძემ განაცხადა, შეხვედრაზე განხილვის მთავარი თემა არჩილ ტატუნაშვილის საქმე იქნება.

გარდა ამისა, ანთაძის თქმით, დააყენებენ დავით ბაშარულის საქმის გამოძიების აუცილებლობის საკითხსაც.

განსახილველი სულ 17 საკითხი იქნება. მათ შორის არის ე.წ. ბორდერიზაციის პრობლემა.

რაც შეეხება არჩილ ტატუნაშვილის ცხედრიდან ამოცლილი ორგანოების გადმოცემის მოთხოვნას ირაკლი ანთაძე ამბობს, რომ ტატუნაშვილის საქმეზე ყველა პრინციპულ საკითხზე ისაუბრებენ.

„ჩვენ დავაყენებთ ყველა პრინციპულ საკითხს, რაც უკავშირდება ამ საკითხს“-განაცხადა ირაკლი ანთაძემ.

როგორც ცნობილია, ოკუპირებული ცხინვალის ციხეში არჩილ ტატუნაშვილის მკვლელობის შემდეგ, ინციდენტების პრევენციის 85-ე შეხვედრა ქართულმა მხარემ შეხვედრა დატოვა, რადგან ცხედრის გადმოცემა ჭიანურდებოდა.

დღეს კი პროტესტის შემდეგ პირველი შეხვედრა გაიმართება. როგორც ანთაძე ამბობს, დამატებითი კომენტარები შეხვედრის დასრულების შემდეგ გაკეთდება.

ქეთი ფერაძე
: ქეთი ფერაძე მაისი 15, 2018 11:42

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,625
ვიზიტორი
დღეში
Powered By Google Analytics