უკრაინის შს მინისტრმა არსენ ავაკოვმა განაცხადა, რომ ოდესის გუბერნატორ მიხეილ სააკაშვილთან მომხდარ ინციდენტამდე, რომლის დროსაც ავაკოვმა სააკაშვილს წყლიანი ჭიქა ესროლა, ოდესის ადმინისტრაციის ხელმძღვანელმა მას პრემიერობა შესთავაზა – ამის შესახებ ავაკოვმა უკრაინულ მედიასთან საუბარში განაცხადა.
“სააკაშვილი რამდენიმე დღით ადრე, სანამ სახალხოდ მიწოდა ქურდი და საპასუხოდ ჩემგან ჭიქა წყალი მიიღო, ჩემს კაბინეტში იჯდა და მთავაზობდა: “მოდი, შევთანხმდეთ, მოდი, შენ იყავი პრემიერი, მე კი პირველი ვიცე-პრემიერი.” მე ვკითხე, რატომ მე მეთქი და მიპასუხა, “ვთვლი, რომ პრემიერი სახალხო ფრონტის წარმომადგენელი უნდა იყოს, ან ტურჩილოვი, ან შენ, ან სხვა ყველაზე წარმატებული მინისტრი” – განაცხადა ავაკოვმა.
შეგახსენებთ, რომ უკრაინის შს მინისტრსა და ოდესის გუბერნატორს შორის ინციდენტი 14 დეკემბერს მოხდა.
