პარლამენტში დღეს აფგან მუხთარლის გატაცებისა და საქართველოს სახელმწიფო საზღვარზე უკანონოდ გადაყვანის ფაქტის შემსწავლელი დროებითი საგამოძიებო კომისიის შექმნის მიზანშეწონილობის საკითხზე იმსჯელებენ. საკითხი საკანონმდებლო ორგანოში საპარლამენტო უმცირესობის ინიციატივით დადგა.
ოპოზიციაში აცხადებენ, რომ მომხდართან დაკავშირებით ამ დრომდე გასაიდუმლოებული ფაქტები აუცილებელია საჯარო გახდეს. მმართველ გუნდში კი ფიქრობენ, რომ გამოძიების დასრულებამდე დროებითი საპარლამენტო საგამოძიებო კომისიის შექმნა, მიზანშეწონილი არ არის.