ფეხბურთის ფედერაციის არჩევნებს ვიცე-პრემიერი, კახა კალაძე, ესწრება.
ხმაურიანი არჩევნების წინ კალაძემ მცირე კომენტარი გააკეთა და თქვა, რომ არჩევნებში ღირსეული კანდიდატი გაიმარჯვებს.
„ქართული ფეხბურთისთვის დღეს ძალიან მნიშვნელოვანი დღეა და ვფიქრობ, ღირსეული კანდიდატი გაიმარჯვებს,“ – აცხადებს კახა კალაძე.
ფეხბურთის ფედერაციის პრეზიდენტის არჩევნები სასტუმრო ჰოლიდეი ინნ-ში მიმდინარეობს. სასტუმროსთან კი ლევან კობიაშვილის მხარდამჭერები არიან შეკრებილები, რომლებიც აღმასკომისგან სამართლიანი არჩევნების ჩატარებას ითხოვენ.