„ველოდები მიუკერძოებელ და ობიექტურ სასამართლოს,” – მაია ფანჯიკიძე ე.წ. კაბელების საქმეზე

თავისუფალი დემოკრატები თავდაცვის სამინისტროს ყოფილი თანამშრომლების წინასასამართლო სხდომაზე იმყოფებიან. მმართველი გუნდის ყოფილ წარმომადგენლებს სასამართლოს ობიექტურობის იმედი აქვთ.

„მე აბსოლუტურად დარწმუნებული ვარ ამ ადამიანების უდანაშაულობაში. დღეს ველოდები მიუკერძოებელ და ობიექტურ სასამართლოს,” – განაცხადა სხდომის დაწყებამდე მაია ფანჯიკიძემ.

ანალოგიური პოზიცია აქვს თავისუფალი დემოკრატების კიდევ ერთ წარმომადგენელს. ალექსი პეტრიაშვილის განმარტებით, დაკავებულთა ადვოკატების მიერ მომზადებული მტკიცებულებები „ტყვიაგაუმტარია.”