ზურაბ აბაშიძე: ყველა ფლანგზე გაიხსნება ეს ბრძოლა, რომელიც ამ ადამიანების გათავისუფლებით დასრულდება

news
ავტ.: news ივნისი 16, 2016 15:03

ზურაბ აბაშიძე: ყველა ფლანგზე გაიხსნება ეს ბრძოლა, რომელიც ამ ადამიანების გათავისუფლებით დასრულდება

ჩვენ ვაპროტესტებთ მოსამართლე ბუგიანიშვილის უკანონო გადაწყვეტილებას, რის საფუძველზეც აბსოლუტურად უდანაშაულო ხუთი ადამიანი შვიდი წლით აღმოჩნდა საპატიმროში, – ამის შესახებ “თავისუფალი დემოკრატების” ერთ-ერთმა წევრმა ზურაბ აბაშიძემ სააპელაციო სასამართლოს წინ მიმდინარე აქციაზე განაცხადა.

მისი თქმით, ბრძოლა გაგრძელდება, ვიდრე ე.წ. კაბელების საქმეზე ხუთი მსჯავრდებული არ გათავისუფლდება. აბაშიძემ ასევე აღნიშნა, რომ პრეზიდენტის ინსტიტუტიც ჩაერთვება ბრძოლაში.

“ჩვენი ბრძოლა გაგრძელდება ბოლომდე, ვიდრე ამ ადამიანებს ციხიდან არ გამოვიყვანთ. ეს იქნება აქციების ფორმით, ეს იქნება საასამართლოში გასაჩივრებით. ასევე დაანონსებულია რომ პრეზიდენტის სახელზე მომზადდეს პეტიცია, რადგან პრეზიდენტი ძალიან სერიოზულად უყურებს ამ საკითხს. პრეზიდენტის ინსტიტუტი ჩაერთვება ამ ბრძოლაში. ყველა ფლანგზე გაიხსნება ეს ბრძოლა, რაც დასრულდება ამ ადამიანების გათავისუფლებით”, – განაცხადა ზურაბ აბაშიძემ.

news
ავტ.: news ივნისი 16, 2016 15:03

Google სტატისტიკა


4,731
ვიზიტორი
დღეში
Powered By Google Analytics