დემოკრატი სენატორი, კრის მერფი თითქმის 15 საათი არწმუნებდა აშშ-ს კონგრესს, იარაღის გაყიდვის აკრძალვის აუცილებლობასთან დაკავშირებით იმ პირებზე, რომლებიც ტერორიზმში არიან ეჭვმიტანილი. თემაზე დებატები გაააქტიურა ორლანდოში გეი-კლუბზე თავდასხმამ, რომელსაც 49 ადამიანი ემსხვერპლა.
ე.წ. ფილიბასტერი, გუშინ დაიწყო. მერფიმ ტრიბუნიდან განაცხადა, რომ იქამდე ილაპარაკებს, სანამ დემოკრატები და რესპუბლიკელები კანონპროექტთან დაკავშირებით შეთანხმებას არ მიაღწევენ.
სენატორს სხვა დემოკრატებმაც დაუჭირეს მხარი: ისინი რიგ-რიგობით გამოდიოდნენ.
ფილიბასტერი, თეორიულად, შესაძლებელია დაუსრულებლად გაგრძელდს, რადგანაც, სენატორს გამოსვლის შეზღუდვა არა აქვს – მას შეუძლია ილაპარაკოს რამდენი ხანიც უნდა. რეგლამენტის თანახმად, სენატორის გასაჩერებლად საჭიროა დარბაზში მყოფთა ხმების 60%.
საბოლოოდ, თემა განიხილებოდა 14 საათისა და 50 წუთის მანძილზე – “ბიბისი” წერს. ამის შემდეგ კრის მერფის “ტვიტერზე” გამოჩნდა შეტყობინება: “სიამაყით გაცნობებთ, რომ 14 საათი დებატების შემდეგ ჩვენ კენჭს ვუყრით იმას, რომ ტერორისტებისათვის იარაღის გაყიდვა შეიზღუდოს”.