“ქვეყნის მოსახლეობა მეც უნდა მომეხმაროს, თუ სადმე წავფორხილდი და დავეცი, უნდა წამომაყენო, თავზე კი არ უნდა გადამიარო, იმიტომ, რომ მე (პირობითად მე და არა ზაზას), ქართულ ოცნებას გარკვეული უდიდესი დამსახურება აქვს ქვეყნის და უახლესი ისტორიის წინაშეა”- აცხადებს უმრავლესობის წევრი ზაზა პაპუაშვილი.მისივე განცხადებით ამ ერთ თვეში უნდა მოხდეს რა – ცრუ დაპირებებზე არ უნდა იყოს ლაპარაკი და “არიქა, ამას გავაკეთებ, იმას გავაკეთებ”. არ შეიძლება ასე ლაპარაკი. უნდა აღდგეს ის კომუნიკაცია, რა სასაუბრო ენაც გვქონდა ჩვენ მოსახლეობასთან, ისინი კვლავ უნდა დააჯერო, რომ შენ იმ სიკეთის გამკეთებელი ხარ, რაც ჩაფიქრებული გაქვს, რა სიკეთის გაკეთებასაც შეუდექი და გაკეთებული გაქვს კიდევაც.
ეს კონტაქტი უნდა დადგეს, ეს მოფერება, ეს ყურადღება უნდა შედგეს, რაც გაწყდა თითქოს და პირისპირ უნდა დაუდგე მოსახლეობას, გაუცხოება მოხდა და ამ გაუცხოების მინიმუმამდე დაყვანა შედეგს გამოიღებს, იმიტომ, რომ ჩვენ გაცილებით მეტად შეგვიძლია, ვუპატრონოთ ქვეყანას და გვიყვარდეს ჩვენი მოსახლეობა, ვიდრე პენსიებს და ქვეყნის ტერიტორიების (ჯერ რომ დაკარგეს) დაბრუნებას რომ პირდება ადამიანებს, ქვეყანას ყელი არ უნდა გამოვჭრათ, ქვეყანას არ უნდა გავებუტოთ ”-აცხადებს ზაზა პაპუაშვილი.
