რუსეთის არმიის ხელმძღვანელობა რუსეთის პრეზიდენტ ვლადიმერ პუტინს ჰპირდებოდა, რომ ხუთ დღეში დაიკავებდა კიევს, ორ კვირაში კი მთელ უკრაინას – ამის შესახებ აშშ-ის სახელმწიფო მდივნის მოადგილემ ვიქტორია ნულანდმა განაცხადა.
„ომის დაწყებამდე სამხედრო მაღალჩინოსნებმა პუტინს უთხრეს, რომ ხუთ დღეში აიღებდნენ კიევს, შემდეგ კი უკრაინაზე კონტროლს ორ კვირაში მოიპოვებდნენ. იმის გამო, რასაც ყველა უკრაინელი ახლა აკეთებს, ეს არ მომხდარა და რუსი სამხედროების შეტევა თითქმის შეჩერებულია“, – განაცხადა ნულანდმა.
