უზბეკეთის ანდიჯანის სკოლებში მოსწავლეებს მასობრივად ამოწმებენ ქალიშვილობაზე – ადგილობრივი “რადიო თავისუფლება” ერთ-ერთი სკოლის დირექტორის განცხადებაზე დაყრდნობით ავრცელებს. მან თქვა, რომ სკოლებში ექიმები ახლომდებარე პოლიკლინიკებიდან მიდიან და გოგონებს ამოწმებენ. პროცედურა ფასიანია.
ამის მიზეზი გახდა 13 წლის გოგონას შემთხვევა, რომელიც, აღმოჩნდა, რომ ორსულობის მე-8 კვირაშია. როგორც გაირკვა, მოზარდი მისმა 60 წლის ბიძამ გააუპატიურა. მოძალადე დაკავებულია და მის წინააღმდეგ სისხლის სამართლის საქმეა აღძრული.
