18 წუთში უკრაინის შეიარაღებულმა ძალებმა დამპყრობლების ოთხი ვერტმფრენი გაანადგურეს, – ამის შესახებ ინფორმაციას უკრაინის გენშტაბი ავრცელებს.
„12 ოქტომბერს დილის 8:40 საათიდან დილის 08:58 საათამდე, უკრაინის სამხრეთით, უკრაინის შეიარაღებული ძალების საჰაერო ძალების საზენიტო-სარაკეტო ნაწილებმა გაანადგურეს მტრის სულ მცირე ოთხი ვერტმფრენი (სავარაუდოდ Ka-52).
წინასწარი მონაცემებით, ერთი ვერტმფრენი ოკუპანტებისგან გათავისუფლებულ ტერიტორიაზე ჩამოვარდა, დანარჩენი – საკონტაქტო ხაზს იქით“, – აცხადებენ უკრაინის გენშტაბში.
გენშტაბის ინფორმაციით, დიდია ალბათობა, რომ დადასტურებული ჩამოგდებული თვითმფრინავების რაოდენობა გაიზარდოს! შეიარაღებული ძალები კიდევ ორი რუსული ვერტმფრენის განეიტრალებას ცდილობენ.