მომავალი 2-3 კვირა უკრაინისთვის გადამწყვეტი იქნება, – ამის შესახებ უკრაინის შინაგან საქმეთა მინისტრის მრჩეველმა ვადიმ დენისენკომ განაცხადა.
მან კიდევ ერთხელ გაუსვა ხაზი საერთაშორისო დახმარების მნიშვნელობას, განსაკუთრებით ჰაერსაწინააღმდეგო თავდაცვის სისტემების მიმართულებით.
დენისენკომ ასევე აღნიშნა, რომ ოკუპანტები გააკეთებენ ყველაფერს იმისთვის, რომ აიღონ მარიუპოლი, ამის შემდეგ კი აღმოსავლეთით გადაინაცვლებენ.
„ჩვენი მთავარი ამოცანა ამ მოძრაობის შეჩერებაა, რათა არ მივცეთ ოკუპანტს გეგმის განხორციელების შესაძლებლობა და მათთან აქტიური სახმელეთო ბრძოლები ვაწარმოოთ, სადაც ისინი მარცხდებიან“, – განაცხადა დენისენკომ.
