უკრაინის სამხედრო დაზვერვამ, რუსეთისთვის ირანული ბალისტიკური რაკეტების მიწოდების შესახებ შეთანხმების პროექტის მომზადებასთან დაკავშირებით ინფორმაცია დაადასტურა. ეს განცხადება, უკრაინის შინაგან საქმეთა და კომუნიკაციების სამინისტროს წარმომადგენელმა, ვადიმ სკიბიცკიმ გააკეთა.
„უკრაინის სამხედრო დაზვერვის მონაცემებით, მიმდინარე წლის ზაფხულში, რუსეთის ფედერაციამ ხელი მოაწერა კონტრაქტს ირანთან, დაახლოებით, 1750 უპილოტო საფრენი აპარატის ორი ტიპის – “Shahed” და “Mohajer” მიწოდებაზე. რუსეთის მიერ მიღებული უპილოტო საფრენი აპარატები იყო, დაახლოებით, 350 ერთეული, მეორე – დაახლოებით, 250 ერთეული. სანქციების გავლენის გამო, რომელიც გავლენას ახდენს იარაღის წარმოებაზე, რუსეთის ფედერაციას აქვს თანამედროვე იარაღის დეფიციტი, ამიტომ, რუსეთის ფედერაცია ცდილობს შეიძინოს იარაღი სხვაგან”, – განაცხადა სკიბიცკიმ.
მისივე თქმით, უკრაინის სამხედრო დაზვერვამ ასევე, დაადასტურა ინფორმაცია რუსეთისთვის ირანული ბალისტიკური რაკეტების მიწოდებასთან დაკავშირებით შეთანხმების პროექტის მომზადების შესახებ.
„ჩვენ გვესმის ჩვენი სახელმწიფოს წინააღმდეგ ბალისტიკური რაკეტების გამოყენების საფრთხე, ამიტომ დღეს ჩვენი დიპლომატიის, სამხედრო დაზვერვის და სხვა შრომისმოყვარე სტრუქტურების პოზიცია ძალიან აქტიურია, რათა მსოფლიო საზოგადოებას დავამტკიცოთ, რამდენად საშიშია ირანის მიერ რუსეთისთვის იარაღის მიწოდება. არის პრაქტიკული შედეგები – რეალური მტკიცებულებების დემონსტრირების შემდეგ ირანმა შეცვალა პოზიცია და შეწყვიტა რუსეთისთვის იარაღის მიწოდებაში მისი მონაწილეობის უარყოფა. ამ მიმართულებით აქტიური მუშაობა გრძელდება”, – განაცხადა სკიბიცკიმ
