უკრაინის ჯარები გეგმის მიხედვით აგრძელებენ შეტევას ხერსონის ოლქში. 1-ელი ოქტომბრიდან თითქმის 1.4 ათასი კვადრატული კილომეტრი ფართობი გათავისუფლდა, – ამის შესახებ უკრაინის შეიარაღებული ძალების მთავარსარდალმა ვალერი ზალუჟნიმ განაცხადა.
მისი თქმით, 1-ელი ოქტომბრიდან, უკრაინის ჯარები მტრის თავდაცვითი ზონის სიღრმეში 36.5 კმ-ზე შეიჭრნენ. მათ მიერ დაბრუნებული ტერიტორიის საერთო ფართობი 1381 კვადრატულ კილომეტრს აღწევს და კონტროლი 41 დასახლებულ პუნქტზე აღადგინეს.
„მხოლოდ გასული დღე-ღამის განმავლობაში პეტროპავლოვკა-ნოვორაისკის მიმართულებით თავდაცვის ძალების ნაწილებმა 7 კმ-ით წაიწიეს წინ, კონტროლი 6 დასახლებაზე აიღეს და უკრაინას 107 კვადრატულ კილომეტრამდე ტერიტორია დაუბრუნეს. პერვომაისკოე-ხერსონის მიმართულებით 7 კმ-ით წინ წავიწიეთ, 6 დასახლებაზე დავიბრუნეთ კონტროლი, გათავისუფლებული ტერიტორიის ფართობი 157 კვადრატული კილომეტრია“, – აღნიშნავს უკრაინის შეიარაღებული ძალების მთავარსარდალი.
