გამოძიების სახელმწიფო ბიურომ დონეცკის ოლქის ერთ-ერთ დეოკუპირებულ დასახლებაში აღმოაჩინა ოკუპანტების შტაბი მნიშვნელოვანი დოკუმენტაციით, – ინფორმაციას უკრაინული მედია ავრცელებს.
მათივე ცნობით, უწყების თანამშრომლებმა შტაბი ლიმანის რაიონის სოფელ იაცკოვკაში აღმოაჩინეს.
გამოძიების სახელმწიფო ბიუროში აცხადებენ, რომ დეოკუპირებულ ლიმანში სტაბილიზაციის ღონისძიებები გრძელდება და მოღალატეებისა და კოლაბორანტების წინააღმდეგ საგამოძიებო მოქმედებები მიმდინარეობს.
„ამოღებულია მობილური ტელეფონები, მეხსიერების ბარათები და სხვა ტექნიკა. მოპოვებულია ადგილობრივი მოსახლეობის ჩვენებები დანაშაულების ჩადენის შესახებ“, – აცხადებენ გამოძიების სახელმწიფო ბიუროში.