უბედური შემთხვევა კურორტ “გოდერძიზე”- ე.წ. ჭანჭახის მთიდან კვადროციკლით მომავალი მთის კურორტების სააგენტოს ორი ადგილობრივი თანამშრომელი ხევში გადავარდა.
ერთ-ერთი მათგანი, 25 წლის მამაკაცი ადგილზე გარდაიცვალა, მეორე კი დაშავდა.
დაშავებული ხულოს საავადმყოფოშია გადაყვანილი.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 116- მუხლით დაიწყო, რაც გაუფრთხილებლობით სიცოცხლის მოსპობას გულისხმობს.
