წალენჯიხის გამგებლის მოადგილეებმა თანამდებობები დატოვეს. “თაიმერის” ინფორმაციით გიორგი ლუკავამ და თენგიზ ფიფიამ წასვლის შესახებ ოფიციალური განცხადება უკვე დაწერეს. მოადგილეების გადადგომის შესახებ ინფორმაცია ,,თაიმერს“ წალენჯიხის გამგებელმაც დაუდასტურა. ბესიკ ფარცვანია დეტალებზე საუბრისგან თავს იკავებს. მისი თქმით ორივე მოადგილემ დაკავებული თანამდებობა პირადი განცხადების საფუძველზე დატოვა.
შეგახსენებთ: რომ რამდენიმე დღის წინ, წალენჯიხის მუნიციპალიტეტის გამგებლის მოადგილე გიორგი ლუკავა ავარიაში მოჰყვა, რა დროსაც ერთი ადამიანი გარდაიცვალა, თავად გამგებლის მოადგილე კი ამ დრომდე ჰოსპიტალიზებულია. მომხდარზე გამოძიება სსკ-ის 276-ე მუხლით მიმდინარეობს, რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას გულისხმობს.
