თუ დადასტურდა ფაქტი, რასაც ჟურნალისტი ყვება, დამნაშავე უმკაცრესად დაისჯება – მღებრიშვილი

news
ავტ.: news დეკემბერი 19, 2016 11:18

თუ დადასტურდა ფაქტი, რასაც ჟურნალისტი ყვება, დამნაშავე უმკაცრესად დაისჯება – მღებრიშვილი

საქართველოს შს მინისტრის გიორგი მღებრიშვილის განცხადებით, თუ დადასტურდა „იბერიის“ ჟურნალისტ გიორგი გასვიანის ცემის ფაქტი, დამნაშავე უმკაცრესად დაისჯება.

ამის შესახებ გიორგი მღებრიშვილმა ჟურნალისტებს თემის კომენტირებისას განუცხადა.

“როდესაც ადამიანი, რომელიც თავად უნდა იცავდეს წესრიგს და მოუწოდებდეს წესრიგისკენ სხვებს, არღვევს კანონს და არღვევს წესრიგს, მე მას არავითარ შემთხვევაში არ გადავეფარები. თუ საჭირო იქნება, ეს პოლიციელი ჩამოშორდება თავის სამსახურს, გათავისუფლდება, პასუხისგებაშიც მიეცემა. თუკი ეს დადასტურდება, ყველაზე მკაცრი სანქციები იქნება გამოყენებული, ამის პირობას მე გაძლევთ. იმას, რასაც ახლა ეს ჟურნალისტი ამბობს, აბსოლუტურად არანაირ ჩარჩოში არ ჯდება”,- ამობს მღებრიშვილი.

ტელეწამყვანის თქმით, მას გზაზე მანქანა მოუცურდა, რასაც არაფხიზელ მდგომარეობაში მყოფი პოლიციელები შეესწრნენ. ჟურნალისტის მტკიცებით, ისინი მანქანის გაჩერების შემდეგ ფიზიკურად გაუსწორდნენ და იარაღით დაემუქრნენ.

აღნიშნულ ფაქტზე გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს. საქმეზე მოკვლევა გენერალურმა ინსპექციამ დაიწყო.

https://youtu.be/7HGOWf4OPy4

 

news
ავტ.: news დეკემბერი 19, 2016 11:18

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,929
ვიზიტორი
დღეში
Powered By Google Analytics