უშიშროების საბჭოს სხდომის გამართვის საკითხს ეხმაურება საგარეო ურთიერთობათა კომიტეტის თავმჯდომარე. როგორც ცნობილია, თედო ჯაფარიძე სტრასბურგში იმყოფება, რის გამოც შესაძლოა საბჭოს სხდომას ვერ დაესწროს.
დღეს გავრცელებული ინფორმაციით სხდომაზე დასწრებას გეგმავს პრემიერმინისტრი. ამ გადაწყვეტილებას მიესალმება უმრავლესობის დეპუტატი. თედო ჯაფარიძემ კომენტარი უშიშროების და კრიზისების მართვის საბჭოების გადაკვეთის საკითხზეც გააკეთა.
„ამ ორ სტრუქტურას სხვადასხვა ფუნქციები აქვთ. რა თქმა უნდა, გადაკვეთა არის და ეს უხერხულობა ჩემთვისაც საკმაოდ მიუღებელია, მაგრამ ეს ორი სტრუქტურა მუშაობს სხვადასხვა მიმართულებით და აქვთ თავისი კონკრეტული ფუნქციები,“ – განმარტა თედო ჯაფარიძემ.