თავდაცვის სამინისტროდან თებერვლის თვეში 3800 ადამიანის გაშვება იგეგმება – “ენმ”

news
ავტ.: news იანვარი 30, 2017 13:27

თავდაცვის სამინისტროდან თებერვლის თვეში 3800 ადამიანის გაშვება იგეგმება – “ენმ”

„ერთიანი ნაციონალური მოძრაობის“ ინფორმაციით, თებერვალში თავდაცვის სამინისტროდან 3800 თანამშრომლის გაშვება იგეგმება.

ამის შესახებ პარტიის პოლიტიკური საბჭოს წევრმა ნუგზარ წიკლაურმა დღეს გამართულ ბრიფინგზე ისაუბრა.

როგორც მან აღნიშნა, რამდენიმე თვის განმავლობაში უწყებიდან უკვე გაშვებულია 2800 ადამიანი, 3800 კადრების განყოფილებაში იმყოფება და მას შემდეგ, რაც 3000 ადამიანსაც გაუშვებენ, ჯამში 10 ათასი სამხედრო და სამოქალაქო პირი იქნება გათავისუფლებული.

„თავდაცვის სამინისტროში გრძელდება მასობრივი გათავისუფლებები ჯარისკაცების და სამოქალაქო პირების, რომელმაც მიაღწია საგანგაშო მასშტაბს. უკვე გათავისუფლებულია რამდენიმე თვის განმავლობაში, ჯერ 1000 ადამიანი, შემდეგ 1800 ადამიანი, ახლა კადრების განკარგულებაში 3800 ადამიანის გადაყვანა მოხდა. ხოლო თებერვალში არის მესამე ეტაპი ამ გათავისუფლებების და იგეგმება 3000 ადამიანის გაშვება. ეს ნიშნავს, რომ მთლიანობაში 10 ათასი სამხედრო და სამოქალაქო პირი იქნება გათავისუფლებული შეიარაღებული ძალებიდან.

მიგვაჩნია, რომ ამ მასშტაბით სამხედრო მოსამსახურეების გაშვება არის ქართული ჯარის წინაშე ჩადენილი დანაშაული ხელისუფლების მხრიდან“, – განაცხადა ნუგზარ წიკლაურმა.

news
ავტ.: news იანვარი 30, 2017 13:27

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,376
ვიზიტორი
დღეში
Powered By Google Analytics