ბოლნისის მუნიციპალიტეტის სოფელ მუშევანში გუშინ მომხდარ ფაქტთან დაკავშირებით შსს გამოძიებას აწარმოებს.
„სოფელ მუშევანში მომხდარ ინციდენტთან დაკავშირებით პოლიციამ გამოძიება დაიწყო 187-ე მუხლით, მიმდინარეობს საგამოძიებო მოქმედებები და საქმესთან შემხებლობაში მყოფი პირების გამოკითხვა. მსუბუქად არის დაზიანებული ორი სატრანსპორტო საშუალება, ფიზიკური დაზიანების ფაქტი არ ფიქსირდება“, – აცხადებენ შსს-ში.
სოფელ მუშევანში გუშინ სასწრაფო დახმარების ჯგუფი შევიდა, რომელსაც რამდენიმე პირი, რომელთაც ტესტირების შედეგად კორონავირუსი დაუდასტურდათ, საავადმყოფოში უნდა გადაეყვანა. ნათესავებმა ეს ფაქტი გააპროტესტეს, რასაც დაპირისპირება მოჰყვა.