თელავის მუნიციპალიტეტის სოფელ ვარდისუბნის საქონლის ბაზარში მომხდარი ინციდენტის გამო დაკავებული დავით ლეგაშვილის საკითხზე სასამართლომ დღეს იმსჯელა. მოსამართლე ზვიად შავაძემ დაცვის მხარის შუამდგომლობა გაითვალისწინა და ბრალდებულს აღკვეთის ღონისძიების სახით 20 000-ლარიანი გირაო შეუფარდა. თანხის სრულად გადახდამდე დავით ლეგაშვილი პატიმრობაში რჩება.
შეგახსენებთ, რომ რამდენიმე დღის წინ ინციდენტი თელავის მუნიციპალიტეტის სოფელ ვარდისუბნის საქონლის ბაზარში მოხდა. მომხდარის დროს 4 პირი დაშავდა, მათ შორის ერთი არასრულწლოვანი.