უკრაინული მხარის მოთხოვნა სააკაშვილის ექსტრადიციის თაობაზე, არის დამატებით შესაძლებლობა საქართველოს ხელისუფლებისთვის, რომ თუ პოლიტიკური ნება აქვთ, მოიძებნოს გადაწყვეტილება ამ საკითხზე, – ამის შესახებ „ლელოს“ დეპუტატმა სალომე სამადაშვილმა ჟურნალისტებთან განაცხადა.
მისი თქმით, სააკაშვილთან დაკავშირებული საკითხის გადაჭრა სახელმწიფოს ინტერესებში შედის.
„მიხეილ სააკაშვილის ჯანმრთელობა და სიცოცხლე დაცული და გადარჩენილი უნდა იყოს, ამიტომ დიდი ხანია მოვუწოდებთ ხელისუფლებას მისი საზღვარგარეთ გადაყვანისკენ. რაც შეეხება უკრაინული მხარის მოთხოვნას ექსტრადიციის თაობაზე, ეს არის დამატებით შესაძლებლობა საქართველოს ხელისუფლებისთვის, რომ თუ პოლიტიკური ნება აქვთ, მოიძებნოს გადაწყვეტილება სააკაშვილის საკითხთან დაკავშირებით. ჩვენ მიგვაჩნია, რომ მისი პატიმრობა ასევე აღრმავებს ქვეყანაში პოლარიზაციას და ამის გადაჭრა შედის სახელმწიფოს ინტერესებში,“ – განაცხადა სამადაშვილმა.
