თურქეთის პრეზიდენტი რეჯეფ თაიფ ერდოღანი მოსკოვში ჩავიდა. ინფორმაციას რუსული და თურქული მედიები ავრცელებენ.
არსებული ინფორმაციით, თურქეთის პრეზიდენტის თვითმფრინავი რუსეთში 12:15 წუთზე დაეშვა. აეროპორტში მას კრასნოდარის მხარის გუბერნატორი ალექსანდრ რუპელი, ასევე სოჭის მერი და საგარეო საქმეთა სამინისტროს პროტოკოლის სამსახურის თანამშრომლები დახვდნენ.
ერდოღანი დღეს სოჭში რუსეთის პრეზიდენტს, ვლადიმერ პუტინს ხვდება.
გავრცელებული ინფორმაციით, ორი ქვეყნის პრეზიდენტების საუბრის ერთ-ერთი მთავარი თემა „მარცვლეულის შეთანხმებაში“ რუსეთის დაბრუნების საკითხი იქნება.
