საბერძნეთის პოლიციის თანამშრომლებმა ამ ქვეყანაში საქართველოს ატაშეს ხელშეწყობით დააკავეს საქართველოს 5 მოქალაქე, რომლებსაც ბრალად ედებათ 35 ბინის გაქურდვა.
ბერძენ სამართალდამცავთა განცხადებით, ბრალდებულები, რომელთა შორის ერთი “კანონიერი ქურდია”, წინასწარ აგროვებდნენ მონაცემებს, შემდეგ ძარცვავდნენ ბინებს და ნაძარცვს ყიდდნენ. ჯერ-ჯერობით უცნობია თუ დროის რა მონაკვეთში ჰქონდა ადგილი ქურდობის ფაქტებს.
შეგახსენებთ, საქართველოსა და საბერძნეთს შორის არსებობს შეთანხმება, რომლის თანახმად მხარეები ერთობლივად მოქმედებენ ორგანიზებული დანაშაულის წინააღმდეგ.