ბიზნესმენი ქიბარ ხალვაში, რომელსაც ტელეკომპანია “რუსთავი 2” მფლობელობაში დღეს, უზენაესი სასამართლოს გადაწყვეტილებით დაუბრუნდა, ტელეკომპანიის გენერალური დირექტორის ნიკა გვარამიას შეთავაზებას, მიჰყიდოს “რუსთავი 2”-ის კოლექტივს ტელევიზია, “გურია ნიუსთან” პასუხობს:
“გვარამია არ არის გვარამია. ის არის მიშა. როცა გულუბრყვილო ვიყავი, ვცდილობდი პრობლემების დროს მოლაპარაკებას. ეს დრო წავიდა. ეს რომ შესაძლებელი ყოფილიყო მე თვითონ შევთავაზებდი მოლაპარაკებას” – აღნიშნა ქიბარ ხალვაშმა.
მისივე თქმით “არც გვარამიაა მოლაპარაკებების მეტრი”.
– ვიცით, რომ მილიონები მისთვის minor issue არის ამხელა საქმისთვის. მაგათ, ალბათ, დაავიწყდათ რა ზარალი მოგვაყენეს მიშამ, გვარამიამ და მათმა თანაგუნდელებმა. დაავიწყდათ, ალბათ, რა გვიქნეს ჩვენ და ჩვენს ახლობლებს.
– ბატონო ქიბარ, არც იმას ივიწყებ და გახსენებენ, რომ თავის დროზე, თქვენც სხვისგან წართმეული მიიღეთ…
– წამრთმევი ვინ იყო? დასაჯონ გვარამია და მიშა, ვის რას აბრალებენ? თავიანთ მიშას ჰკითხონ”, – აღნიშნა ხალვაშმა “გურია ნიუსთან” საუბრისას.
