ქეთევან ციხელაშვილი – პროგრამით „აწარმოე უკეთესი მომავლისთვის“ აფხაზეთსა და ცხინვალში მცხოვრებლები 7-დან 35 ათას ლარამდე გრანტის მიღებას შეძლებენ

region
: region მარტი 12, 2019 18:47

ქეთევან ციხელაშვილი – პროგრამით „აწარმოე უკეთესი მომავლისთვის“ აფხაზეთსა და ცხინვალში მცხოვრებლები 7-დან 35 ათას ლარამდე გრანტის მიღებას შეძლებენ

სამშვიდობო ინიციატივის „ნაბიჯი უკეთესი მომავლისკენ“ ფარგლებში განხორციელდება პროგრამა „აწარმოე უკეთესი მომავლისთვის, – ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა მთავრობის სხდომის დასრულების შემდეგ განაცხადა.

მისი თქმით, აღნიშნული პროგრამის ფარგლებში, აფხაზეთსა და ცხინვალის რეგიონებში მცხოვრებლებს შეეძლებათ ინდივიდუალური ან ერთობლივი პროექტებისთვის 7-დან 35 ათას ლარამდე მოცულობის გრანტი მიიღონ.

„პროგრამა „აწარმოე უკეთესი მომავლისთვის“ უკავშირდება სამშვიდობო ინიციატივას „ნაბიჯი უკეთესი მომავლისკენ“. ჩვენ ვართ ახლა ამ ინიციატივის ყველა კომპონენტის განხორციელების დასკვნით ეტაპზე. 25 წლის განმავლობაში პირველად, რაც ეს კონფლიქტი არსებობს, ფინანსური რესურსები ხელმისაწვდომი ხდება აფხაზეთისა და ცხინვალის რეგიონის მცხოვრებლებისთვის, ასევე 18 წელს მიღწეული ნებისმიერი საქართველოს მოქალაქისთვის და იმ პირებისთვის, ვინც რეგისტრირებულია ახალი წესით, ეს არის სტატუსნეიტრალური რეგისტრაციის ფორმა. მათ ექნებათ შესაძლებლობა, ინდივიდუალური ან ერთობლივი პროექტებისთვის მიიღონ 7-დან 35 ათას ლარამდე გრანტი. 7 ათასი ლარის მოცულობის გრანტი გაიცემა ინივიდუალურ პროექტზე, რომელიც განხორციელდება აფხაზეთის ან ცხინვალის რეგიონში, ხოლო 15, 20 და 35 ათასი ლარის მოცულობის გრანტები გაიცემა ერთობლივ პროექტებზე, რომელიც წაახალისებს ეკონომიკურ საქმიანობასაც და რაც მთავარია, ვაჭრობას გამყოფი ხაზების გასწვრივ“, – განაცხადა ციხელაშვილმა.

მისივე თქმით, დღეიდან უკვე შესაძლებელი იქნება განაცხადების მიღება.

„ეს პროგრამა ხორციელდება ეკონომიკის და მდგრადი განვითარების სიპ-ის მიერ, განთავსდება ეკონომიკის სამინისტროსა და ჩვენს ვებგვერდებზე. მსურველებს შესაძლებლობა ექნებათ, რომ განაცხადი შეავსონ ქართულ, აფხაზურ, რუსულ და ინგლისურ ენებზე. იმედი მაქვს, რომ ეს პროგრამა მნიშვნელოვან წვლილს შეიტანს მოსახლეობის დახმარებისა და ნდობის მშენებლობის საკითხებში. საწყის ეტაპზე ამ პროგრამისთვის გამოყოფილია ნახევარი მილიონი ლარი“, – განაცხადა ციხელაშვილმა.

region
: region მარტი 12, 2019 18:47

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


12,288
ვიზიტორი
დღეში
Powered By Google Analytics