,,ფრთხილად ვიყოთ, მახსოვს, როგორ დაიწყო აფხაზეთის, ცხინვალის კონფლიქტი”

region
ავტ.: region მაისი 28, 2019 14:37

,,ფრთხილად ვიყოთ, მახსოვს, როგორ დაიწყო აფხაზეთის, ცხინვალის კონფლიქტი”

მახსოვს, როგორ დაიწყო აფხაზეთის, ცხინვალის კონფლიქტი. იგივე გზას ვადგავართ ახლაც – ამის შესახებ „პატრიორტთა ალიანსის“ წევრმა, ემზარ კვიციანმა პლენარულ სხდომაზე განაცხადა.

მისივე თქმით, აუცილებელია პარლამენტი ჩაერიოს და ეს საკითხი მალევე გადაწყვიტონ.

„არავინ არ აგო პასუხი არც აფხაზეთზე და არც არაფერზე. იგივე გზას ვადგავართ. ყველაფერი ასე დაიწყო. სწორედ, ამისთვის საჭიროა, რომ ძალიან ჭკვიანად ვიყოთ“ – განაცხადა კვიციანმა.

რამდენიმე დღის წინ გავრცელდა ინფორმაცია, რომ აზერბაიჯანელი აქტივისტები, ქვეყნის დამოუკიდებლობის დღის აღნიშვნას დავით გარეჯში აპირებდნენ.

დღევანდელ მშვიდობიან აქცია-მსვლელობაში საქართველოს 9 ეპარქია მონაწილეობს.

ცნობისთვის, საქართველო-აზერბაიჯანის საზღვრის დელიმიტაციის საკითხზე კომისია რამდენიმეწლიანი პაუზის შემდეგ პირველად 23 მაისს შეიკრიბა.

საკითხის გააქტიურება საქართველოს პრეზიდენტის ბაქოში ვიზიტს და შესაბამისი მოთხოვნის დაყენებას მოყვა.

დავით გარეჯის მიმდებარე ტერიტორიაზე გზის გაყვანის სამუშაოები 25 მაისს განახლდა.
საპატრიარქოს პრესცენტრის ხელმძღვანელი, ანდრია ჯაღმაიძე სოციალურ ქსელში წერდა, რომ ადგილზე მიყვანილი იყო მძიმე ტექნიკა და კვლავ გრძელდებოდა კლდოვანი საფარის ნგრევა.

მოგვიანებით მან განაცხადა, რომ დავით გარეჯის მიმდებარე ტერიტორიაზე გზის გაყვანის სამუშაოები შეწყდა და ადგილიდან ტექნიკა გაყვანილია.
, აღდგომის დღსასწაულამდე დავით გარეჯში, უდაბნოს მონასტრამდე მისასვლელი გზა ცოტა ხნით დაკეტილი იყო. ამის შესახებ თავდაპირველად ინფორმაცია არქიმანდრიტმა კირიონმა (ონიანი) გაახმოვანა და დახმარება ითხოვა.

ის ამბობდა, რომ აზერბაიჯანელები სასულიერო პირებს მონასტერში აღარ უშვებდნენ. მათ შორის, გადაადგილების პრობლემები შეექმნათ ტურისტებსა და მომლოცველებს.

მაშინ არქიმანდრიტმა თქვა, რომ გარეჯში სიტუაცია მას შემდეგ გართულდა, რაც იქ პრეზიდენტი სალომე ზურაბიშვილი იმყოფებოდა.

აღდგომის დღესასწაულამდე ერთი დღით ადრე, სასულიერო პირებისთვის, მომლოცველებისა და ტურისტებისთვის უდაბნოს მამათა მონასტრამდე მისასვლელი გზა გაიხსნა.

region
ავტ.: region მაისი 28, 2019 14:37

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,150
ვიზიტორი
დღეში
Powered By Google Analytics