პრეზიდენტის არჩევის წესის უფლება ხალხს არ უნდა წაერთვას – განცხადება ამის შესახებ პრეზიდენტის პრესსპიკერმა ეკა მიშველაძემ გააკეთა. მიშველაძის განცხადებით, პრეზიდენტი მიიჩნევს, რომ კონსტიტუციური მოწყობის მოდელის საკითხი უნდა განიხილებოდეს არა იმ კონტექსტში, რომელია უკეთესი ან უარესი, არამედ, ამაზე საუბარი უნდა წარიმართოს კონკრეტული კონტექსტიდან და ქვეყანაში არსებული რეალობიდან გამომდინარე.
მიშველაძის განცხადებით, პრეზიდენტი არ არის ჩართული მთავრობის ფორმირების საკითხში და ეს არის პრემიერის პრეროგატივა.
