პრემიერ-მინისტრის უფლებამოსილების შეწყვეტა, მთავრობის სხვა წევრთა უფლებამოსილების შეწყვეტას აღარ გამოიწვევს. აღნიშნული ცვლილება საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ კანონში შედის , რომლის განხილვაც დღეს საკანონმდებლო ორგანომ დაიწყო.
მთავრობის ინიცირებულ კანონპროექტში აღნიშნულია, რომ „პრემიერ-მინისტრის გადადგომის ან მისი უფლებამოსილების სხვაგვარად შეწყვეტის შემთხვევაში, მთავრობა განაგრძობს მოვალეობის შესრულებას ახალი პრემიერ-მინისტრის დანიშვნამდე.“
ამასთან, კანონპროექტის თანახმად, პრემიერ-მინისტრი თანამდებობიდან გადამდგარად ითვლება ამის თაობაზე საჯაროდ განცხადების, ან საქართველოს პრეზიდენტისა და საქართველოს პარლამენტისათვის წერილობითი განცხადებით მიმართვის მომენტიდან და მას უფლებამოსილება გადადგომისთანავე უწყდება.