მოძრაობა „სახელმწიფო ხალხისთვის“ ლიდერმა პაატა ბურჭულაძემ პარტიის ახალი წევრი, ჟურნალისტი მერაბ მეტრეველი წარადგინა.
პაატა ბურჭულაძის განცხადებით, პოლიტიკა არ არის მხოლოდ ბინძური ადამიანების საქმე.
„ჩვენ ვაგრძელებთ საზოგადოების აზროვნების შეცვლას იმის შესახებ, რომ პოლიტიკა არის მხოლოდ ბინძური ხალხის საქმე“, – განაცხადა პაატა ბურჭულაძემ.
მერაბ მეტრეველის განცხადებით, მას პოლიტიკაში მოსვლის სურვილი ადრეც გასჩენია, მაგრამ არ იყო არც ერთი ისეთი ძალა, რომელსაც ის შეუერთდებოდა, ვიდრე არ გამოჩნდა პაატა ბურჭულაძის მოძრაობა.
„როცა გამოჩნდა პაატა ბურჭულაძის მოძრაობა და მივიღე შემოთავაზება, გადაწყვეტილება უფრო გამარტივდა“, – განაცხადა მერაბ მეტრეველმა.
მისივე განცხადებით, საქართველოში პროდასავლურ ფლანგზე არის მხოლოდ „ერთიანი ნაციონალური მოძრაობა“ და მისგან გამოყოფილი პარტიები, ისეთი მაგალითად, როგორიც არის „გირჩი“ და „ქართული ოცნება“ და ის პარტიები, რომლებიც შემდგომ მას გამოეყოფიან.
მერაბ მეტრეველის განცხადებით, თუ საზოგადოებას ამ ორი პარტიისთვის მხარდაჭერა უკვე აღარ უნდა, მათ მხარი პაატა ბურჭულაძის მოძრაობას უნდა დაუჭირონ.
როგორც მერაბ მეტრეველმა განაცხადა, ის პარტიაში შიდა პოლიტიკურ საკითხებზე იმუშავებს.
