ოპონენტების სკეპტიკური დამოკიდებულება ევროპარლამენტარების მისიის მიღებაზე, კითხვებს აჩენს – გია ვოლსკი

admin
ავტ.: admin თებერვალი 13, 2020 12:25

ოპონენტების სკეპტიკური დამოკიდებულება ევროპარლამენტარების მისიის მიღებაზე, კითხვებს აჩენს – გია ვოლსკი

“გიგი უგულავას დაკავების საკითხი საერთაშორისო მსჯელობის საგანი მხოლოდ მას შემდეგ უნდა გახდეს, რაც კომპეტენტური დასკვნა იქნება გამოტანილი. წინააღმდეგ შემთხვევაში, აზრთა სხვადასხვაობა აღნიშნულ საკითხთან დაკავშირებით, ქვეყანას ზიანს მოუტანს და ქმნის არასწორი ინფორმაციის გავრცელების წინაპირობას” – ეს განცხადება პარლამენტის თავმჯდომარის პირველმა მოადგილემ გია ვოლსკიმ ცოტა ხნის წინ გააკეთა და ევროპარლამენტიდან გიგი უგულავას საქმის შემსწავლელი მისიის საქართველოში ჩამოსვლის ინიციატივას გამოეხმაურა.

“უამრავი სპეკულაცია, განცხადებები, გაუგებრობა, შეუთანხმებელი პოზიციების გაჟღერება მოჰყვა გიგი უგულავას სასამართლოს დასრულებას და გამოტანილ განაჩენს.

როგორც მოგეხსენებათ, სტრასბურგში მყოფმა პარტიის გენერალურმა მდივანმა, პარტიის აღმასრულებელმა მდივანმა გამართეს ინტენსიური კონსულტაციები ჩვენს ევროპელ კოლეგებთან და გადაწყდა, რომ შეიქმნება ევროპარლამენტართა შემადგენლობით მრავალპარტიული ფაქტების დამდგენი მისია, რომელიც ჩამოვა საქართველოში, ამ საკითხებს სამართლებრივი, პოლიტიკური ასპექტით განიხილავს ჩვენთან ერთად და გააკეთებს შესაბამის დასკვნებს იმასთან დაკავშირებით, თუ რა მოხდა.

რასაკვირველია ჩვენთვის არ იყო მოულოდნელი ის, რომ ოპონენტებმა სკეპტიკურად შეაფასეს და პრაქტიკულად უარი თქვეს ასეთი მისიის მიღებაზე. ეს იწვევს დამატებით შეკითხვებს. ქვეყნისათვის მნიშვნელოვანი გადაწყვეტილებები საერთაშორისო დონეზე უნდა ემყარებოდეს მხოლოდ სიმართლეს.

ამ პროცესში ხელის შეშლა და უარყოფითი განცხადებების გაკეთება, რაც დილიდან გახდა ჩვენი ოპონენტების პოზიციის მთავარი გამოხატულება საკმაოდ მნიშვნელოვან შეკითხვებს უნდა ბადებდეს როგორც მედიაში, ასევე საზოგადოებაში.

ასეთი მისიის ჩამოსვლა ჩვენთვის, თქვენთვის, საზოგადოებისთვის იქნება მნიშვნელოვანი, არა მარტო იმიტომ, რომ სტაბილურობა შევძინოთ პოლიტიკურ პროცესს, არამედ იმიტომაც, რომ საზოგადოებამ აშკარად დაინახოს განსხვავება იმ პოზიციას შორის, რომელიც ჩვენ გაგვაჩნია და იმ პოზიციასთან მიმართებაში, რომელიც გააჩნიათ ჩვენს ოპონენტებს,” – განაცხადა გია ვოლსკიმ.

admin
ავტ.: admin თებერვალი 13, 2020 12:25

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,087
ვიზიტორი
დღეში
Powered By Google Analytics