ნინო ჯავახაძე – 20 ივნისს რამდენიმე ქვეყნის ელჩი პირდაპირ კავშირზე იყო ჩვენთან, გერმანიის ელჩი იმყოფებოდა პარლამენტში

region
ავტ.: region ივლისი 12, 2019 14:55

ნინო ჯავახაძე – 20 ივნისს რამდენიმე ქვეყნის ელჩი პირდაპირ კავშირზე იყო ჩვენთან, გერმანიის ელჩი იმყოფებოდა პარლამენტში

საქართველოს შინაგან საქმეთა მინისტრის მოადგილის ნინო ჯავახაძის განცხადებით, 20 ივნისის ღამეს პირდაპირი კომუნიკაცია იყო რამდენიმე ქვეყნის ელჩთან, უშუალოდ პარლამენტის შენობაში კი, გერმანიის ელჩი იმყოფებოდა.

„გერმანიის ელჩი პარლამენტში იმყოფებოდა იმ ღამეს და პარლამენტიდან გააკეთა კომენტარი. რაც შეეხება სხვა ელჩებს, ისინი მთელი ღამის განმავლობაში ჩვენთან ხაზზე იყვნენ. თავს შევიკავებ კონკრეტული ელჩების დასახელებისგან. განსაკუთრებით მას შემდეგ, რაც დაიძაბა ვითარება, დაიწყო შტურმი პარლამენტზე, ჩვენ რამდენიმე ქვეყნის ელჩი გვყავდა პირდაპირ კავშირზე. გერმანიის ელჩი იმყოფებოდა პარლამენტის შენობაში ვითარების დაძაბვის მომენტიდან. შეგახსენებთ, რომ რამდენიმე ქვეყნის საელჩომ იმ ღამესვე, როდესაც ვითარება გართულდა, გააკეთა ერთობლივი, ღია განცხადება“, – აღნიშნა ჯავახაძემ.

მინისტრის მოადგილის განმარტებით, გერმანიის ელჩი პარლამენტის შენობაში საკუთარი ინიციატივით მივიდა.

საქართველოს შინაგან საქმეთა მინისტრმა, გიორგი გახარიამ გუშინ განაცხადა, რომ პარლამენტიდან ხედავდა 20 ივნისის ღამეს ზოგიერთი პოლიტიკოსი როგორ ლიდერობდა შტურმს და აღნიშნა, რომ მასთან ერთად რამდენიმე ქვეყნის ელჩიც იყო.

region
ავტ.: region ივლისი 12, 2019 14:55

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


8,001
ვიზიტორი
დღეში
Powered By Google Analytics