ერთიანი ნაციონალური მოძრაობის ლიდერი ნიკა მელია წერს, რომ გუშინ, 19 აპრილს, ბრმა ტყვია, რომელმაც ქალის სიცოცხლე იმსხვერპლა, შსს-ს თანამშრომლებმა გაისროლეს.
“კომენდანტის საათია.
ეს ხელს არ უშლით ღრეობის მოწყობაში შსს-ს თანამშრომლებს. არც იმაში, რომ გავიდნენ აივანზე და ცეცხლსასროლი იარაღიდან ჯერი გაუშვან.
და მერე რა ხდება?
როგორც იმ შორ და ბნელ 90-იანებში, ბრმა ტყვია კლავს მოპირდაპირედ, მერვე სართულზე მცხოვრებ უდანაშაულო ქალბატონს, რომელიც შინ, მშვიდად ტელევიზორს უყურებს! კლავს მოხუცი დედის თვალწინ!!
ეს ხდება 2020 წელს, ვაჟა ფშაველას გამზირზე” – წერს ნიკა მელია.
