ნათია მეზვრიშვილი – აჭარის რეგიონში ხვალიდან, 25 სექტემბრიდან, რესტორნები იმუშავებს 22:00 საათამდე, ასევე, გარკვეული დროით მთლიანად გაჩერდება საზოგადოებრივი ტრანსპორტი

თაიმერი timer.ge
ავტ.: თაიმერი timer.ge სექტემბერი 24, 2020 14:32

ნათია მეზვრიშვილი – აჭარის რეგიონში ხვალიდან, 25 სექტემბრიდან, რესტორნები იმუშავებს 22:00 საათამდე, ასევე, გარკვეული დროით მთლიანად გაჩერდება საზოგადოებრივი ტრანსპორტი

აჭარის რეგიონში ხვალიდან, რესტორნები 22:00 საათამდე იმუშავებს, ამაზე დაწესდება შეზღუდვა და ასევე საზოგადოებრივი ტრანსპორტი მთლიანად გაჩერდება, გარკვეული დროით – ამის შესახებ მთავრობის ადმინისტრაციის უფროსმა ნათია მეზვრიშვილმა უწყებათაშორისი საკოორდინაციო საბჭოს სხდომის შემდეგ გამართულ ბრიფინგზე განაცხადა.

მისივე თქმით, აჭარის რეგიონში დღეს არსებული ეპიდვითარებიდან გამომდინარე საჭირო გახდა გარკვეული შეზღუდვების დაწესების აუცილებლობა.

„ვსაუბრობდით წერტილოვან და ლოკალურ შეზღუდვებზე და აჭარის რეგიონში დღეს არსებული ეპიდვითარებიდან გამომდინარე საჭირო გახდა გარკვეული შეზღუდვების დაწესების აუცილებლობა. ხვალიდან, აჭარაში რესტორნები 22:00 საათამდე იმუშავებს, ამაზე დაწესდება შეზღუდვა და ასევე, საზოგადოებრივი ტრანსპორტი მთლიანად გაჩერდება, გარკვეული ეტაპი, მანამ, სანამ ეპიდემიოლოგიური მდგომარეობიდან გამომდინარე ამის საჭიროება იქნება, რასთან დაკავშირებითაც საზოგადოებას მივაწვდით ინფორმაციას,“ – განაცხადა ნათია მეზვრიშვილმა.

თაიმერი timer.ge
ავტ.: თაიმერი timer.ge სექტემბერი 24, 2020 14:32