მთავრობის მომზადებული კანონპროექტი რომელი იყო და რომელი – ოპოზიციის, ამას უმრავლესობის ჩატში წითელი და მწვანე ვაშლების გაგზავნით აგებინებდნენ

თაიმერი timer.ge
: თაიმერი timer.ge აპრილი 8, 2019 14:46

მთავრობის მომზადებული კანონპროექტი რომელი იყო და რომელი – ოპოზიციის, ამას უმრავლესობის ჩატში წითელი და მწვანე ვაშლების გაგზავნით აგებინებდნენ

მთავრობის მიერ მომზადებული კანონპროექტი რომელი იყო და რომელი – ოპოზიციის, ამას უმრავლესობის ჩატში წითელი და მწვანე ვაშლების გაგზავნით აგებინებდნენ, – ამის შესახებ ჟურნალისტებს საქართველოს პარლამენტის დამოუკიდებელმა დეპუტატმა, დავით ჭიჭინაძემ განუცხადა.

მისი თქმით, დარგობრივი კომიტეტის სხდომაზე აღმოაჩინა, რომ დღეს რიგგარეშე სხდომა იყო ჩანიშნული.

„არც მაილი მომსვლია და არც – სატელეფონო გზავნილი. უმრავლესობაში წითელ და მწვანე ვაშლებს გვიგზავნიდნენ, ღილაკები რომ ვინმეს არ არეოდა და ახლა დაღეჭვით ახსნაზე გადავიდნენ, რადგან ჩვენთვის უცნობია, ირაკლი კობახიძე რას გეგმავს. რამდენი კანონპროექტი ჩაუვარდებათ და მისი კოლეგები შეტყობინებებს ვერ გებულობენ, ამის გადახდა ჩვენ გვიწევს. დამოუკიდებელ დეპუტატებთან არავინ კონტაქტობს. სალომე ზურაბიშვილს ინფორმაციას აწვდიდნენ და ეტყობა, ახლა ათი დეპუტატისთვის გზავნილის გაკეთება უჭირთ. ვინ გზავნიდა? უფროსი კოკა ყანდიაშვილი ჰყავდათ. რაც შეეხება გამოცდების გაუქმების საკითხზე კანონპროექტის კენჭისყრას, რას ნიშნავს ჩვენი პასუხისმგებლობა? ჭიათურელებს მოთმინება არ აქვთ, როცა ზესტაფონელებს ეძახიან? ისინი თუ ითმენენ, გამოცდების გაუქმების საკითხი ბავშვებმა ერთი კვირით მოითმინონ. ქვეყანაში გამოცდები უნდა იყოს. ბავშვებს ცხოვრებისეულ გამოცდილებას რაც უფრო გავურთულებთ, მით უკეთესია, მეტი წინააღმდეგობა, მეტი გამძლეობა“, – განაცხადა დავით ჭიჭინაძემ.

საქართველოს პარლამენტის რიგგარეშე სხდომა ამ წუთებში მიმდინარეობს. უმრავლესობის გარეთ მყოფი დეპუტატები პროტესტს გამოთქვამენ, რომ მათ სხდომის მოწვევის თაობაზე ინფორმაცია პირადად არ მიუღიათ, რაც, მათი თქმით, რეგლამენტის დარღვევაა.

თაიმერი timer.ge
: თაიმერი timer.ge აპრილი 8, 2019 14:46

დღის ფოტო

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

შედეგის ნახვა

Google სტატისტიკა


8,099
ვიზიტორი
დღეში
Powered By Google Analytics